विराटचाेक: माेरङकाे सुन्दरहरैँचामा जारी मेयरकप २०८० काे उपाधि वडा नम्बर ७ ले हात पारेको छ । शुक्रबार भएको फाईनल खेलमा वडा नम्बर ६ लाई १ का विरूद्ध २ गाेलले पराजित गर्दै वडा स्तरीय नकाआउट फुटबल प्रतियोगिता को उपाधि सुन्दरहरैँचा वडा नं ७ ले जितेको हाे । प्रथम हुने विजयी खेलाडीलाई नगद रू १ लाख ३५ हजार सहित ट्रफी, मेडल प्रदान गरिएको छ ।
यस्तै खेलकाे उपबिजेता वडा नम्बर ६ बन्दै ६७ हजार ५ सय नगद सहित ट्रफि, सिल्ड प्रदान गरिएको छ । खेलमा म्यान अफ द म्याच वडा नम्बर ७ का विशाल भण्डारी घाेसित भएका छन् । यस्तै सर्वाधिक गाेल कर्ता १० नम्बर वडाका सुदिप खड्का भएका छन् । वडा नम्बर ७ का बिवस गुरुङ वेष्ट गोल्डकिपर घाेषित भए । कार्यक्रममा नगरप्रमुख केदारप्रसाद गुरागाईँ, पूर्व राज्य मन्त्री राजकुमार ओझालगायतले विजेतालाई पुरस्कार प्रदान गर्नुभएको थियो ।
